बाध्यताको भुमरीले बेचिएको मान्छे म त
मरभूमिको तातो घाम्ले सेकिएको मान्छे म त ।

आदर्श र ढोंग्वादीको बिरोधी नै परें म त
विभेद्कारी समाजमा हेपिएको मान्छे म त ।

भौंतारिदै हिंड्दा-डुल्दा गल्लासित साइत जुर्‍यो
वादैवाद्को चुलेसीले रेटिएको मान्छे म त ।

यात्रारुपी जीवनमा आफ्नो भन्ने कोहि छैन
अपवाद्को झोली बोकी थेचिएको मान्छे म त ।

कर्ममा बिश्वास गर्ने बानी मेरो बसेको छ
बाङ्गो-टिङ्गो भाग्यरेखा मेटिएको मान्छे म त ।

-रुपलाल बिश्वकर्मा

साहित्यिक नाम

रुप अनुरागी

दमौली , तनहुँ